Newsletter N°3 – Kreeslafwirtschaft
Fuert dir och all Dag mam Auto op de Büro a stitt éiweg laang am Stau, kaaft iech den x-ten Becher Kaf deen een eigentlech-recycléiere-kann-mee-wat-awer-net-geschitt, Mëttes iesst der eng Pizza ënnerwee a geheit de knaschtege Kartong an de Pabeierkuerf – ups nee – an déi schwaarz Dreckskëscht, an duerno reegt der Iech op well äre Bic eidel ass an der en net rechargéiere kënnt.
2. August 2023. Op deem Dag hate mer dëst Joer de weltwäiten « overshoot day » erreecht, d.h. deen Dag ab deem mer méi natierlech Ressourcen aus dem Buedem geholl hunn wéi eise Planéit an engem Joer reproduzéiere kann. Zu Lëtzebuerg war deen Dag dëst Joer schonn de 14. Februar ! Wat also maachen ?
Eng einfach Äntwert ass déi bestoend Ressourcë besser ze benotzen an eise Bedarf u neie Ressourcen op e Minimum ze reduzéieren, wat fir Lëtzebuerg ëm sou méi interessant ass well mer als Land nëmmen iwwert ganz wéineg natierlech Ressourcë verfügen.
Dës Initiative besteet aus véier Deeler : d’Biedem an d’Waasser schützen / eng besser Notzung vu Géigestänn / responsabel apaken / nohalteg bauen. Säit dem 1. Januar 2023 ass Einweg-Geschier aus Plastik an der Restauratioun verbuede wann een op der Plaz ësst, mee Geschier aus Kartong, Pabeier an Holz ass weiderhin erlaabt.
Lëtzebuerg ass eent vun de räichste Länner op der Welt, a stéisst proportional gesinn awer och mat am meeschten CO2 aus an ass domat och mat verantwortlech fir de Klimawandel. Am Virfeld vum 10. Dezember (internationalen Dag vun de Mënscherechter) hu mer mam Atoniya Argirova ( climate justice campaigner bei Greenpeace Lëtzebuerg) iwwert de Klimawandel geschwat an den Impakt vun dësem op d’Mënscherechter a Klimaflüchtlingen.
Facilitec huet 2018 en doheem fonnt an der aler Schräinerei Claude Muller zu Esch/Uelzecht (rue Berwart, 5 Min. vun de Guar wech) a gouf iwwert participativ Chantier’en komplett an Eegeregie a quasi just mat recuperéiertem Material renovéiert fir dorausser eng Plaz ze maachen déi der Kreeslafwirtschaft verschriwwen ass. Mer deelen dës Plaz mat enger Rei Initiativen déi un der ekologescher Transitioun schaffen.
Zwielef Minutten. Dat ass déi duerchschnëttlech Zäit déi eng Buermaschinn hei zu Lëtzebuerg resp. an de meeschten europäesche Länner am Laf vun hirem Liewen benotzt gëtt. Zwielef Minutten !
Op Basis vun dëser Feststellung an der enormer Verschwendung vu Ressourcen déi dat duerstellt huet Facilitec – an Zesummenaarbecht mat der Ëmweltberodung Lëtzebuerg ASBL (EBL) – den éischten « Gutt Geschier » Site am Januar 2023 ageweit wou ee gratis Schaffgeschier ausléine kann.
Vill gutt Iddi’en koumen deen Dag op den Dësch wéi z.B. un der Kommunikatioun ze schaffen oder fir gemeinsam Aktiounen ze plange fir esou d’Biergerbedeelegung ze verbesseren a méi e groussen Impakt op d’Politik ze hunn. Elo gëllt et dës Iddi’en ëm ze setzen !
An dëser Episod geet d’Yasmin Labidi (Transition Minett) mam Caroline Holz a mam Miss Bak op Thema Kreeslafwirtschaft an, a si schwätzen och allgemeng iwwert alternativ a nohalteg ekonomesch Aktivitéiten.
D’Caroline Holz ass d’Coordinatrice vum Facilitec zu Esch (Transition Minett). Si ass Landschaftsarchitektin an Urbanistin vu Formatioun hier, an huet virdrun am Design vun ëffentleche Plaze geschafft. D’Ahoua Bakayoko ass d’Grënnerin vum Projet « MissBak » zu Lëtzebuerg, enger Mark vu veganer, déierefrëndlecher a nohalteger Kosmetik.
