Hutt der Froen zum CCC ? Wëll der Iech an engem Projet oder engem Aarbechtsgrupp abréngen? Hei drënner fannt all Informatiounen dozou. Mellt Iech !
Grupp Escher Gemeinschaftsgäert
D’Membere vun de verschiddenen Escher Gemeinschaftsgäert treffen sech reegelméisseg fir hir Erfarungen, Praktiken, Problemer an awer och Reussitten auszetauschen. Am Moment schaffe mer un enger gemeinsamer Charta fir eis Gäert. Wann der an engem Gaart matschaffe wëllt an/oder Iech an dësen Aarbechtsgrupp abrénge wëllt da mellt Iech beim camille@tranition-minett.lu
Kontakt : Kontaktéiert camille@transition-minett.lu wann der gär weider Informatiounen zu dësem Grupp resp. zu de verschiddenen Gemeinschaftsgäert déi dobäi sinn hätt.
Grupp Transitioun an de Quartieren
Säit dem éischten Atelier goufen ënnerschiddlech Atelier’en an Aktioun’en a verschiddenen Quartier’en vun Esch lancéiert : d’Uleeën vun engem neien Gemeinschaftsgaart an de Nonnewisen – zesumme mam CIGL – a mat der Ënnerstëtzung vun den AwunnerInne, Schoulen, Maison-relai’sen, Crèchen, asw. Fir weider Informatiounen iwwert déi lafend Projet’en kënnt der camille@transition-minett.lu kontaktéieren
Maacht mat fir en Offallfräi Esch!
Zënter dem Start vum CCC hu mir Léisunge entdeckt fir eisen Ëmweltimpakt ze reduzéieren, mat freedeg Aktiounen op Basis vun der kreesfërmeger Wirtschaft.
Mir hunn den “Offallfresko” getest, de Minett Kompost a Sivec besicht, Offallsammlungsaktioune mat Serve the City organiséiert an en Anti-Offall-Iessen mat Foodsharing Luxembourg gedeelt.
Dëst ass just den Ufank! Et sinn nach vill Projeten ze kompletéieren, a mir brauchen Iech.
Wëllt Dir bei eisen Aktiounen matmaachen?
Kontaktéiert eis: jeanne@transition-minett.lu
Grupp gréng Mobilitéit
Säit dem CCC 2022 huet de Grupp festgehalen un engem Haus vum Vëlo ze schaffen an och un enger Informatiounsbroschür iwwert d’gréng Mobilitéit zu Esch an an der Ëmgéigend. Da wäert de Grupp sech och geschwënn mam neie lokale Mobilitéitsplang (PLM 2035) beschäftegen deen d’Stad Esch viru kuerzem virgestallt huet.
Kontakt : ericw@transition-minett.lu
Grupp Kreeslafwirtschaft
No enger éischter Iddi fir um Thema vun der programméierter Obsoleszenz ze schaffen gouf schlussendlech decidéiert ze klären wat eigentlech d’Basis vun der Kreeslafwirtschaft ass. Ee Member aus dem Grupp forméiert sech grad am Spill “fresque de l’économie circulaire” wou deemnächst eng éischt Seance am Facilitec wäert gespillt ginn. En Datum kënnt nach no.
Nächst Etapp : D’Spill « fresque économie circulaire » am Laf vum Mount Juni testen.
Kontakt : atelier@transition-minett.lu
Grupp Alimentatioun
Säit dem groussen CCC Treffen vun 2022 huet de Grupp sech zweemol getraff fir iwwert vegan Alternativen zu Esch ze schwätzen. Et goufen och zwou konkret Aktiounen dozou geplangt :
En oppene Bréif soll un d’Escher Restauranten geschéckt ginn fir se iwwert vegaant Iessen ze sensibiliséieren
De Client’en gëtt eng Postkaart zur Verfügung gestallt wou se un hire Restaurant deen eng vegan Optioun ubitt schécke kënnen fir hinnen iwwert dee Wee Merci ze soen
Nächst Treffen : Datum nach net festgeluecht
Kontakt : adriana@transition-minett.lu